ឧកញ៉ាសម្បត្តិ បរាជ័យរីងខ្លួនកាលពី ១០ មុនជាមេរៀន ដែលធ្វើអោយលោកជោគជ័យដូចបច្ចុប្បន្ន

Add caption

មកទល់និងម៉ោងនេះគ្រួសារកក់ក្តៅដើរបាន ៤ ឆ្នាំហើយក្រោមការដឹកនាំរបស់ស្ថាបនិកគឺលោក ឧកញ៉ា អ៊ុចសម្បត្ត ហើយលោកអ្នកប្រហែលជាបានស្គាល់ពីហោល្បីឈ្មោះមួយនៅកម្ពុជានោះគឺយីហោគ្រឿងសម្អាងគ្រួសារកក់ក្តៅ ដែលមានតំណាង ៦៤៥០០ នាក់ ដែលជាក្រុមងារលក់អនឡាញរបស់គ្រួសារកក់ក្តៅនៅក្នុងប្រទេសកម្ពុជា។

ធ្លាប់មានប្រវត្តិជាកម្មករសំណង់ រហូតក្លាយជាម្ចាស់យីហោគ្រឿងសម្អាងដ៏ល្បីឈ្មោះមួយនៅព្រះរាជាណាចក្រកម្ពុជា លោក អ៊ុច សម្បត្តិ អគ្គនាយកក្រុមហ់នគ្រួសារកក់ក្តៅបានឆ្លងកាត់នៅបទពិសោធន៍ជីវិតជាច្រើននៅក្នុងវិស័យជំនួញ ដោយផ្តើមចេញពីដើមទុន ៥០០ ដុល្លាររហូតរកស៊ីលក់លក់អនឡាញ បង្កើតជាហាង ក្ស័យធនរីងខ្លួន រហូតទទួលងារជាឧកញ៉ា។

បង្ហើបពីប្រវត្តិតស៊ូរបស់ខ្លួនប្រាប់ Business Cambodia ហគ្រិនរូបនេះមានប្រសាសន៍ថា កាលពីដំបូងឡើយលោកនឹងក្រុមគ្រួសារគ្មានទ្រព្យធនអ្វីជាដុំកំភួនទេ ហើយអាជីពដំបូងរបស់លោកគឺធ្វើជាកម្មករសំណង់ និងជាអ្នកលក់ប្រហិតចៀននៅតាមសួនកំសាន្តនៅម្តុំឌ្រីមឡែន ដែលពេលនោះលោកមិនដែលស្រម៉ៃដល់ការរកស៊ីធំដុំម្តងណាឡើយ ពោលគឺប្រកបរបរដើម្បីចិញ្ជឹមតែក្រពះប៉ុណ្ណោះ។ រហូតដល់ចុងឆ្នាំ ២០១២ លោកក៏ ចាប់ផ្តើមគំនិតបើកហាងម៉ាត ២៥០០ ៛ ជាលើកដំបូងបំផុតនៅក្នុងទឹកដីកម្ពុជា ផ្តើមពីដើមទុនបន្តិចបន្ទួច ដែលលោកកនិងភរិយាសន្សំពីការលក់ប្រហិតចៀន ។

របរម៉ាតទំនិញ ២៥០០ បើកដំបូងគឺកាក់កបខ្លាំងគ្រាន់បើ រួចហើយក៏បិតទៅវិញដោយសារតែអ្នកលក់ច្រើនលើសលប់ពេក។ លុះដល់ឆ្នាំ ២០១៥ លោកនិងភរិយាក៏សម្រេចចិត្តនាំទូរភេសជ្ជៈស្វ័យប្រវត្ត្តដំបូងបង្អស់មកកម្ពុជា តែត្រូវបរាជ័យព្រោះលោកមិនទាន់យល់ពីទីផ្សារច្បាស់

លោកបានបន្តថា រហូតមកដល់ឆ្នាំ ២០១៥ ក្រុមគ្រួសារលោកក៏សម្រេចចិត្តនាំចូលផលិតគ្រឿងសម្អាង គ្រួសារកក់ក្តៅមកលក់នៅកម្ពុជាគឺលក់តាមអនឡាញ​ដោយកាលនោះមិនសូវផ្ទុះដូចបច្ចុប្បន្នទេ ហើយលោកក៏ចាប់ផ្តើមរីកដុះដាលខ្លាំងឡើងៗ រហូតបង្កើតបានជាហាងផ្ទាល់ខ្លួន។ តែជាអកុសលវាក្រុមហ៊ុនមួយនេះត្រូវក្ស័យធនដល់បាតដី រហូតធ្វើអោយលោកជំពាក់បំណុលគេជាងកន្លះលានដុល្លារ ដោយសារតែចំណាយធំអាចចំណូល និងពង្រីកខ្លួនលឿនពេក។ 

ស្ថាបនិកវ័យកណ្តាលរូបនេះ សង្កត់ធ្ងន់ថា ខ្ញុំរកស៊ីបរាជ័យជាច្រើនដង តែខ្ញុំមិនចុះចាញ់ទេ ពោលគឺនៅតែពោលពាក្យអរគុណចំពោះភាពបរាជ័យ ទោះជាបរាជ័យធ្វើអោយខ្ញុំខាតបង់ពេលវេលាក៏ពិតមែន តែនាំអោយខ្ញុំស្គាល់ផ្លូវជោគជ័យនៅក្នុងការរកស៊ី រហូតមានមុខមានមាត់ដល់បច្ចុប្បន្ននេះ។

អត្ថបទដោយ៖ នេន សុធី (Sale Editor of Business Cambodia